離地品味

這幾年香港政府務求追趕世界潮流尖端,大發慈悲話要搞時裝搞藝術,香港時裝節、西九M+、Art Basel等等big events被浮升至小弟有生之年所見嘅至高水位。彷彿繼國際金融中心後,欲轉型為國際時尚都市 (根據一個叫Global Language Monitor嘅統計,香港居然喺2015年爬升到時尚都市排名第12位,僅次於東京同佛羅倫斯 lol)。連時下本地時尚雜誌都無人問津嘅時候,CCTVB都敢厚著面皮拍一套連師奶都覺得離地嘅《潮流教主》 (喂,叫得做潮流教主,陳豪有冇俾班師奶捧上男神位風靡一時先?)。司馬昭之心,路人皆知。

然而,坐落於一個沒有藝術文化基礎的後國際金融中心,八九十年代那種搵食至上嘅心態依然充斥香港上上下下每一個角落,所造就嘅所謂香港文化除咗離地品味之外就係品味離地。

A餐/B餐矛盾大對決 (請選出你認為貼地嘅答案):
A. 幾舊水排兩粒鐘為咗瀡一分鐘水滑梯
B. 幾舊水請女朋友/被男朋友請去間特色餐廳食飯兼睇戲

A. 幾舊水去Art Basel睇五個不同主題專區嘅藝術品
B. 幾舊水去PMQ睇免費嘅藝術家個人展覽加一家大細食餐好嘅

簡而言之,在香港,所謂品味就是離地,愈離地愈有品味。點為之離地?既然努力搵食係貼地嘅打工心態,洗得就嘥自然成為離地嘅生活態度。愈嘥錢,愈離地;愈嘥時間,愈有品味。以前人窮於排隊洗平錢,現今人貴於洗貴錢排隊。

這種離地品味或多或少必須歸咎於香港時裝節、西九M+這種由上而下嘅推廣模式,以致大眾審美觀止於展覽門內必為佳品,展覽門外皆屬無印良品。入到展覽門內,面對一幅幅藝術品,即使是處於缺乏詳盡介紹或是導覽性的場地設計,如若以致對其中畫作的涵義、手法、作風一概不曉,只會怪罪於「若然你不知,只怪你低B」,鮮有人會質疑或怪責展覽主辨方。

曲高和寡可以很藝術,卻並不等於藝術只能曲高和寡。藝術追求的是一種美學,而美學並不應跟其價格或名氣成任何正反比。

P.S. 藝術呢家嘢,其實唔一定要十幾萬買幅色版或者四筒嘅,7000零蚊都可以買到幅高質抽象派嘅油畫嘅。

*去年去英國Kendal一間細細間博物館見到嘅油畫,其畫家為Annie Coxey,部份畫作依然有售!假如小弟有自己狗竇嘅話,應該早就買咗幅返屋企掛 sosad。

極不負責任文 – 轉型三部曲

忘了由什麼時候開始,每次回港都有一種置身一場時尚災難片的感覺,街頭街尾都是一個個沒有時尚意識的行屍走肉。像剛過去的農曆新年期間,正值冬天,這個最好掩飾身材、搭配層次、表現自己的季節,十個路人居然有九個穿著羽絨上路,年齡不分老少,性別不分男女。這讓我想起早前看到有文章教眾人說如何穿羽絨穿得像007而不失霸氣,依我看來作為marketing替各大品牌推銷其產品,那篇文章十分成功;作為繼續愚化一眾港豬的時尚品味,那篇文章也實在功不可沒。

香港到底是有多冰天雪地,以致男女老少都要穿羽絨去拜年?(假如你是想要上大帽山破冰攻頂小弟還能理解)實情是,007也是登上雪山才穿羽絨的好嗎?他那走到哪穿到哪的西裝又不見有人真的穿出門。香港大概是亞熱帶地區唯一一個會如此熱衷羽絨的地方。

說回正題,基於以上原因,要在香港轉「型」,簡單三部曲包你唔駛博,單車都變摩托,從電車男變電單車男(想脫毒嘅話並唔是單靠衣著可以搭救,不過至少唔出聲無人知你係電車男嘅)。

第一部,就是健身。在香港,只要男生肯健身,已經在起跑線上跑出。原因無他,當看倌晚晚追求觀感上刺激時,別人也同樣是視覺動物。尤其健身在香港沒有歐美那麼流行的時候,定期健身分分鐘讓你追英趕美。不用多,一星期一、兩次也確保看倌立刻轉「身型」。

Hollister and Gilly Hicks pre-opening promotional event 3

*唔一定要練到好似啲model咁嘅,不過至少個胸係基本配備囉(小弟指「胸肌」,思歪唔該自己去面壁)。

第二部,參考外國穿著。君可以參考最近還很紅的韓風,不過基於中國人崇洋的心態,可以肯肯定的說英美風才是長線投資,韓風在香港像寒風一樣吹不到一個月,完了就沒了(此為比喻,明就明,唔明嘅你遲早都會明)。君不見最新一套CCTVB潮劇《潮流教主》都是抄考外國大師的作品嗎?

*抄到咁應,唔插你都對唔住自己啦下話。

第三部,就是自信,自信,同自戀(很重要所以要說三次!)。所謂人無恥就無敵(你睇綠魔就知啦),只要看倌自信自己走在潮流的尖端,堅持自己,一定可以走出個人的風格(戴返頭盔先:當然事前有做功課定冇做功課係人都睇得出嘅)。

*堅‧只要你肯試,上位話咁易(其實右邊個穿著係ok的,如果可以少舊椰菜花嘅話……)。

正如美容療程一樣,以上三部曲,一整套完成亦得,單一完成亦得,任君選擇。基本上完成任何一部曲都包你升20Lv。信不信由你。